GUESTBOOK.gif GUEST BOOK image by kibagus

Sunday, March 13, 2011

तिमीलाई देखेको समय-कविता


  • तिमीलाई देखेको समय-कविता

तिमीलाई देखेको समय
मभित्र मौन उज्यालो खस्छ 
अथाह वेग लिएर
तिमी समक्ष मेरो सामुदिक मनले 
कविताको
भूगोल बनाउँछ 
यत्र तत्र । 

चूपचाप तिमी कतै 
चूपचाप म कतै 
दुई अपरिचित जहाजजस्तै 
हामी नाइल नदीको किनार भएर 
वगिरह्यौँ 
समय एक स्थिर स्वर भएर पर्खिरहेछ -

तुहिन लाग्यो लोकतन्त्र-कविता


  • तुहिन लाग्यो लोकतन्त्र-कविता 

कस्ले सुन्छ आमाको चित्कार ?
 कस्ले देख्छ आमाको बलत्कार ? 
 स्पर्श गर्न सक्छ को आमाको घाउ ? 
 यहाँ लोकतन्त्र पनि तुहिन लाग्यो ।

 आमा कसरी तिम्रो स्वतन्त्रताको रक्षा गर्ने ?
 कसरी तिम्रो आत्मविश्वास बलियो पार्ने ?
 अँग अँगमा यौवनको आँकुरा कसरी फुलाउने । 

 जुन वादी आए पनि कानुन फेरिने
 भाग बण्डा लगाउंदै नीति नियम फेरिने
 यस्तै छ हाम्रो परम्परा यसलाई कसरी सुधार्ने । 

असारमा नटुसाएका सपनाहरू-कविता


  • असारमा नटुसाएका सपनाहरू-कविता

नटुसाई, नअङ्कुराई चुपचाप
बसिरहेको समयलाई
कसरी भन्न मिल्छ
यो असार हो ?

असार मान्न यहाँ
खाएर मात्रै हुँदैन दही चिउरा
नारिनु पर्छ हलगोरु
असार मान्न यहाँ
भएर मात्र हुँदैन बजेट भाषण
रोपिनुपर्छ धानखेत पनि
असार मान्न समयले
जताततै गन्धे झार मात्रै उमारेर कहाँ हुन्छ ?
फुल्नुपर्छ असारे फूलहरू
झुल्नुपर्छ मकैका बोटमा धानचामलहरू
अनि आकाश उधिन्दै उठ्नुपर्छ
फर्सी, करेला र काँक्राका नेपाली सपनाहरूले